शिव भक्ति म्ह डूबे कावड़ियां कल अपनी-अपनी मंजिल पे पहुंच जांगे यानी शिवरात्रि पै शिवलिंग पै जल चढ़ान के साथ पूरी हो जावेगी कावड़ियों की यात्रा. शान्ति अर भक्ति की इस यात्रा म्ह आजकल जब तक ‘भांग रगड कै पिया करूं’ ते ले के ‘सावन-सावन भोले के कावड़ियां मौज लुटे सै’ अर सपना का ‘तेरी अंख्या का यो काजल’ भी जिब तक न बाजै जब तक भक्ति का सुरूर सा कोणी चढ़ता.
#WATCH: A group of 'kanwariyas' vandalise a car in Delhi's Moti Nagar after it brushed past them while driving. The people in the car got off safely. No injuries were reported. Police says no formal complaint has been filed by the victims (07.08.2018) pic.twitter.com/rKc6VJMZnh
— ANI (@ANI) August 8, 2018
अर फेर भोले का प्रसाद खा जिब नाचते कावड़ियां बीच सडक पै चले है तो भक्ति का रूप तांडव म्ह आप ही तब्दील हो जावे हैं. ऐसा ही कुछ दिल्ली के मोती नगर म्ह होया. जिब एक भोली यानी महिला की कार गलती तै एक कावड़ियां कै टच होगी बस फेर के था कांवड़ियों ने जमकर उत्पात मचाया. अर जमकर तोड़फोड़ की. कार आले तो भोले की दया तै बच निकले लेकिन भोले के भक्तों की चपेट म्ह कई कार आ गी. पुलिस भी आई लेकिन भक्तों की भक्ति के आगे चुपचाप खड़ी तांडव देखती रही.
कांवड़ के इस नए ट्रेंड म्ह कुछ सच्चे भक्त बेचारे हैरान-परेशान है अर हंगामा काटन आले साल दर साल हुडदंग के मामलों म्ह इजाफा करन लाग रे है. इस साल दिल्ली एनसीआर में हुई कई हंगामे की घटनाओं के साथ कांवड़ यात्रा कल सम्पन्न हो जागी लेकिन यों डीजे वाले बाबु के साथ भोले नै याद करते होए हर साल हंगामा का सिलसिला न्यू ए जारी रह्या तो कदे इसा न हो के भोले बाबा नै अपनी तीसरी आँख खोलनी पड़ जावे. तो भोले के भक्तों संभलो अर शांति और अहिंसा के साथ कांवड़ यात्रा सम्भालों.