यंगिस्तान

ट्रैफिक ताऊ अर बख्तराम

नवंबर 26, 2018 ओये बांगड़ू

आजतक दादागिरी और भाईगिरी तो आपने खूब सुनी होगी लेकिन ताऊबाजी तै शायद आपका वास्ता न पड़ा हो. या ताऊबाजी है ट्रैफिक ताऊ की और यो वो आला ताऊ कोनी जिस ताई ‘हट जा ताऊ पाछे नै, नाचन दे मन्ने डीजे पै’ गाया गया था यो तै वो ताऊ है जिसका ट्रैफिक नियम तोडन आला पै लठ बाजा करे और उस लठ का नाम सै बख्तराम.

गोल गोल चश्मा , सर पै लाल पगड़ी , घुमावदार मूंछ अर मोदी चचा आली नीली जैकेट. अर सब तै सुथरा बख्तराम लठ लिए ट्रैफिक ताऊ अक्सर फरीदाबाद अर गुरुग्राम की सड़कों पै आम आदमी नै ट्रैफिक के नियम पढाता नजर आ जावे है. नियम ना मानन वाले कदे ट्रैफिक ताऊ के सामने उठक बैठक लगावे है कदे लठ देख डर जावे है. वैसे ट्रैफिक ताऊ हरियाणा पुलिस म्ह कार्यरत है अर असली नाम सै वीरेंद्र सिंह बल्लहारा.

ओएबांगड़ू के साथ खास बातचीत म्ह ट्रैफिक ताऊ कुछ न्यू बोल्या ‘ दुनियाभर म्ह रोड एक्सीडेंट म्ह 15 लाख आदमी मरे है ,भारत में तकरीबन 1 लाख 50 हज़ार हर 3 मिनट मे एक आदमी अपनी जान गंवा देवे है,और बात अगर हरियाणा की करे तो वहां रोज के 13 आदमी रोड एक्सीडेंट म्ह मरते है और 2 मर्डर होते है लेकिन रोड एक्सीडेंट में मरने वालों को लेकर गाँव म्ह पंचायत तक न होती . तो ट्रैफिक ताऊ का सन्देश है के ‘भई अपने लाडले बच्चों और बच्चियों से प्यार करों 18 साल से पहले उन्हें वाहन न चलाने दो , ट्रैफिक नियमो का पालन करों.’

ट्रैफिक ताऊ ट्रैफिक के अलावा मनचलों पै भी वार करे है. ट्रैफिक ताऊ का  लठ बख्तराम  नै छेडन वाला की शामत है. तो ट्रैफिक ताऊ अक्सर हरियाणा सरकार के दुर्गा शक्ति एप और अन्य सुविधाओं का भी प्रचार करते और लोगो को जागरूक करते रहवे सै.

 

Leave a Reply

Your email address will not be published. Required fields are marked *