ओए न्यूज़

सोशल मीडिया पै आया सब तै तेज तूफ़ान

मई 8, 2018 ओये बांगड़ू

पिछले कुछ दिनों म्ह तूफ़ान का इसा हला माच्या के हर न्यूज़ चैनल जानलेवा तूफ़ान का बखाण करन लाग्या. बाकि सारी जरुरी खबर तूफ़ान के आने तै पहले ही उसकी धुल मै दब ली.  मौसम विभाग नै भी तूफान कि घंणी ए जोरदार भविष्वाणी कर दी. इतनी जोरदार के तूफ़ान ही सहम सा गया अर बेचारा थोडा थोडा सा आ के उल्टा घर हो लिया.

लेकिन सब तै जोरदार तूफान आया सोशल मीडिया पै जित हर कोए कूद-कूद कै तूफानी स्पीड तै तूफान के गीत गान लग्या. । व्हाट्सएप्प पर तो तूफान तै पहला खाना,नहाना और फ़ोन चार्ज करन के जरुरी सन्देश कि बाढ़ सी आ गयी और बाकि सारी अपडेट बहा ले गयी. फेसबुक पै भी तूफानी चुटकुला नै देश के के जरुरी मुद्दों के पेड़ गिरा दिए.

बाकि इब्ब तूफान के ना आण कि खबर तो सब नै व्हाट्सएप्प पै वायरल होई ऑडियो मै सुन ही ली होगी. जिसमैं तूफान नै कही सै कै बेरी लोगा नै उसके आन तै पहला ही तुड़ा उठा लिया अर जिब तुड़ा ही न उड़या तो के तूफान आया. अर सुनन म्ह न्यूं भी आई है अक दोपहर मै तूफान कि मां नै उस ताई बाहर निकलन कि मना करी दी और शाम नै उसका मामा केले ले कै आवैगा. तो कुल मिला कै बात या है के तूफ़ान इबै टल गया और अगली बार बिन बताये सरप्राइज देवैगा.

 

Leave a Reply

Your email address will not be published. Required fields are marked *