ओए न्यूज़

भारत का 20वां छोरा सै हरियाणा..आज होग्या

नवंबर 1, 2017 ओये बांगड़ू

अरे, आज आपणे हरियाणे की हाफ सेंचुरी नै भी एक साल हो लिया .1 नवम्बर 1966 नै हरियाणा का जन्म होया था. हरियाणा के बाप का नाम भारत अर माँ का नाम दिल्ली देवी सै।  यो भारत का 20वां छोरा था. ईब भाइयों यो पूरा 51 साल का हो गया ।तो आज हरियाणा के जन्मदिन पै हरियाणा के बारे में कई एंडी बात से जरा वे भी  जाण लो…

अपणे दादा हरियाणे नै फूला मैं कमल,
पेड पीपल , पक्षी काला तीतर,
अर पशु नीलगाय बहोत पसन्द सै

हरियाणा देश का पहला कुणबा सै जिसके धोरै1970 मैं बिजळी आगी थी

न्यू तो यो बहोत ही पहले पैदा होग्या था पर इसके माँ बाप इसकी डेट ऑफ़ बर्थ भूल गए तो इब जब यो 1 नवम्बर 1966 नै अपणे बड़े भाई पंजाब तं न्यारा होया, तो इसके बाबू भारत नै इसकी याहे डेट ऑफ़ बर्थ बणवा दी बस तब तं हाम सारे इसका बर्थ डे 1 नवम्बर न ही मनावा सां।

भाइयो एक बै भगवान यानि हरी इसके घरां आग्ये थे आर कई दिन इसके धोरे रहये तो हरी का आणा यानि हरियाणा .यो इसका नाम करण होग्या।इस्तं पहले तो इसका नाम कोये काळीया धोळीया होगा..?

आपणे बड़े भाई पंजाब तं न्यारा होया तो इसकै 7 छोरे थे इब इसके जमा हट्टे कट्टे 22 छोरे सैं जिनके नाम सैं –

भिवानी , सिरसा , हिसार , भिवानी , फरीदाबाद , फतेहाबाद ,जींद ,रोहतक ,अम्बाला,पंचकुलाकुरुक्षेत्र ,करनाल ,कैथलझज्जर ,महेन्द्रगड़ .रिवाड़ी ,पलवल ,सोनीपत ,पानीपत , यमुना नगर ,गुडगाव ,मेवात, चरखी दादरी

इनमैं भिवानी सब तं बड़ा बेटा सै अर दादरी सबतं छोटा।

भाइयो चंडीगड़ इसकी बहु सै।जमा कसुती घणी सुणी बहु लेरया सै डाकि।

भाइयो यो म्हारा हरियाणा कत्ती किसान सै।

इसकै धोरै 44 ,212 किलोमीटर सुकेयर मैं फैलया एरिया सै।भाई जमा कत्ती खरब पति फर्म सै यो

इसकै आडोस पड़ोस म इसके सोतैले भाई आर चाचे ताऊ भी रहण लागरे सैं- हिमाचल ,
राजस्थान ,
उतराखंड ,
उतर प्रदेश आर
इसका सग्गा भाई पंजाब भी इसके धोरै ऐ रहवै सै।

अर जो थारा हरियाणा मैं तफरी मारन का जी करजा तो उस ताई भी 44 कसुते पर्यटन स्थल सै. कुछ खास आले है

बधकल झील,दमदमा लेक,कर्ण,,कुरुक्षेत्र,सूरजकुंड,मोरनी हिल्स,पंचकूला,पानीपत,पृथ्वीराज की कचहरी,सुल्तानपुर पक्षी अभयारण्य,थानेश्वर,तिलसार झील,यदाविंद्र उद्यान

भाइयो टोटल 2 ,53 53 ,081 पोते आर पड़ पोते -पोतियों का यो दादा-बाबा बण रहया सै । भाइयो इसके कुछ पोते आर पोतियों न तो इसका नाम सारे संसार मैं चमका राख्या सै।

ये सैं ताऊ देवीलाल ,
कपिल देव,
कल्पना चावला,
सोनू निगम ,
बाबा रामदेव ,सुषमा स्वराज ,
संजय दत्त ,
सुनील दत्त ,
बंसी लाल,
सुभाष घई ,
विजेंदर सिंह ,
सुशिल कुमार ,
सरदारा सिंह ,
संदीप सिंह ,
सर छोटू राम ,
मेजर होशियार सिंह
साक्षी मलिक और
फौगाट बहनें और कई महान सपूत सै हरियाणा के.

 

Leave a Reply

Your email address will not be published. Required fields are marked *